"Жұлдыз" тобының тәрбиеленушілері және ата-аналарының қатысуымен "Біз ептіміз!" атты қысқы ойыны

Балабақша тәрбиеленушілірін шапшаңдыққа, ептілікке ,бір қатармен жүруге, бір аяқпен және қос аяқпен секіре алуға, доға астымен жүруге жаттықтыру. ата-аналарымен бірігіп ойнауға қызығушылықтарын арттыру. Көрсетілген жаттығуды жасау кезінде тепе-теңдіктті сақтап, достық сезімге тәрбиелеу. Балабақша мен отбасы арасындағы байланысты нығайту, ата-аналар мен балалар арасында салауатты өмір салтын насихаттау және бірлескен ойын арқылы жағымды психологиялық орта қалыптастыру.

• Сауықтыру: Қимыл-қозғалыс белсенділігін арттыру, ептілік, жылдамдық және төзімділік қасиеттерін дамыту.
• Тәрбиелік: Топпен жұмыс істеуге, бірін-бірі сыйлауға және намысшылдыққа тәрбиелеу. Ата-ананың бала тәрбиесіндегі рөлін арттыру.
• Дамытушылық: Спорттық ойындарға деген қызығушылықты ояту және көңіл-күйлерін көтеру.
• Сапқа тұру: Командалар (бала мен ата-ана) музыка әуенімен кіріп, шеңбер бойымен немесе қатармен тұрады.
• Сәлемдесу: Жүргізуші қатысушыларды құттықтап, шараның мақсатын таныстырады.
• Таныстыру: Әр топ өз атын және ұранын айтады.
• Көңілді жаттығу: Музыка ырғағымен барлық қатысушылар жеңіл сергіту жаттығуларын жасайды.

1. «Көңілді пойыз»: Бала ата-анасының артына жабысып, кедергілер арасымен жүгіріп өтеді.
2. «Епті жұп»: Ата-ана мен бала допты маңдайларымен  қысып ұстап, межеге дейін құлатпай апаруы тиіс.
3. «Туннель»: Балалар ата-аналар құраған «тізбек» туннель астынан еңбектеп өтіп, соңында жалаушаны көтереді.

Рефлексия: Балалар мен ата-аналар алған әсерлерімен бөліседі.