"Кітаптар пирамидасы" ойыны

Кітап білім бұлағы деп көне заманнан халқымыз бекер айтпаған. Адамзат баласының қол жеткізген ұлы игіліктерінің бірі – білім қазынасы. Білім сипаты , ұрпақтан – ұрпаққа ауызша, жазбаша түрде немесе көркем әдебиет арқылы да жеткен. Кітап адам баласының сан ғасырлық ақыл – ойының жемісі, тарихы мен тағылымының алтын сандығы. «Кітап дегеніміз – алдыңғы ұрпақтың артқы ұрпаққа қалдырған рухани өсиеті. Кітап оқудан тиылсақ, ой ойлаудан да тиылар едік» - деген еді Ғабит Мүсірепов.

        Кітаптың құндылығы-оның тәрбиелік мәнінде!

Баланың сөздік қорын молайтып, тіл байлығын арттыруда, сөзді нақты, анық айтуын қалыптастырып, қарым-қатынас мәдениетіне тәрбиелеуде кітаптың алатын орыны ерекше. осы орайда біздің балабақшада он күннен бері #Кітаптар_пирамидасы  ойыны ұйымдастырылуда...

Бұл ойынға педагогтармен қатар, ата-аналар да белсенділік танытып, әр топтарда кітап қоры молаюда, біз рухани БАЮ үстіндеміз!!!

Өткен аптадағы "Кітаптар пирамидасы" ойынына шолу бірінші мектепалды даярлық "Аққу" тобынан басталады.